Advertisements
|
നോര്‍ത്ത് അമേരിക്കയിലെ സീറോ മലബാര്‍ സഭയുടെ വളര്‍ച്ചക്കു നിര്‍ണ്ണായകമായ സംഭാവനകള്‍ നല്‍കിയ ഫാ.ജോസ് കണ്ടത്തിക്കുടി അന്തരിച്ചു
ഷോളി കുമ്പിളുവേലില്‍
ന്യൂ യോര്‍ക്ക് : നോര്‍ത്ത് അമേരിക്കയിലെ സീറോ മലബാര്‍ സഭയുടെ വളര്‍ച്ചക്കു നിര്‍ണ്ണായകമായ സംഭാവനകള്‍ നല്‍കിയ റവ. ഫാ. ജോസ് കണ്ടത്തിക്കുടി (79) അന്തരിച്ചു.
നോര്‍ത്ത് മേരിക്കയിലെ സീറോ മലബാര്‍ സഭയുടെ വളര്‍ച്ചക്കു നിര്‍ണ്ണായകമായ സംഭാവനകള്‍ നല്‍കിയ റവ. ഫാ. ജോസ് കണ്ടത്തിക്കുടി ഡിസംബര്‍ 21~)0 തീയതി ശനിയാഴ്ച വൈകുന്നേരം അന്തരിച്ചു.
അമേരിക്കയിലെ സീറോ മലബാര്‍ വിശ്വാസികളെ ഏകോപിപ്പിക്കുന്നതിനായി സിനഡ് തീരുമാന പ്രകാരം 1995 ല്‍ അമേരിക്കയില്‍ എത്തിയ ഫാ. ജോസ് കണ്ടത്തിക്കുടി , ഷിക്കാഗോ , ന്യൂ ജേഴ്സി , ന്യൂ യോര്‍ക്ക് എന്നിവിടങ്ങളില്‍ ഇടവകകള്‍ സ്ഥാപിക്കുകയും അവിടെ സേവനം ചെയ്യുകയും ചെയ്തു. ദീര്‍ഘനാള്‍ ബ്രോങ്ക്സ് സെന്റ് തോമസ് സീറോ മലബാര്‍ ഫൊറോനാ ഇടവക വികാരിയായി സേവനീ അനുഷ്ഠിച്ചു. 2020 റിട്ടയര്‍ ചെയ്തതിനു ശേഷം അമേരിക്കയിയലും നാട്ടിലുമായി വിശ്രമ ജീവിതം നയിച്ചുവരികയായിരുന്നു.
1945 മെയ് 30 ~)ഛ തീയതി കണ്ടത്തിക്കുടി ജോണ്‍ ~ ത്രേസ്യകുട്ടി ദമ്പതികളുടെ മൂത്ത മകനായി ജനിച്ച ഫാ . ജോസ് , 1962 ല്‍ തലശ്ശേരി മൈനര്‍ സെമിനാരിയില്‍ ചേര്‍ന്നു. തുടര്‍ന്നു വടവാതൂര്‍ സെമിനാരിയിലും റോമിലെ അര്‍ബന്‍ യൂണിവേഴ്സിറ്റിയിലും വൈദിക പഠനം പൂര്‍ത്തിയാക്കി, 1971 മാര്‍ച്ച് 27 ~)ീ തീയതി വത്തിക്കാനില്‍വച്ചു കര്‍ദ്ദിനാള്‍ ആഗ്നെലോ റോസ്സിയില്‍ നിന്നും തിരുപ്പട്ടം സ്വീകരിച്ചു.
1973 ല്‍ കേരളത്തില്‍ തിരിച്ചെത്തി. തലശ്ശേരി ~ മണിമൂളി ഇടവകയില്‍ അസിസ്ററന്‍റ് വികാരിയായി ശുശ്രൂഷ ആരംഭിച്ച ജോസച്ചന്‍ , കല്‍പറ്റ , ചാരിറ്റി , ഒലിവുമല , എടപ്പെട്ടി , പൊഴമുടി തുടങ്ങിയ ഇടവകകളില്‍ വികാരിയായി സേവനം ചെയ്തിട്ടുണ്ട്. കൂടാതെ തമിഴ്നാട്ടിലെ, കൂനൂര്‍ , ബാര്‍ലിയര്‍, വരുവാന്‍ കാടു എന്നിവിടങ്ങളില്‍ ഇടവകകള്‍ സ്ഥാപിക്കുകയും വികാരിയായി സേവനം ചെയ്യുകയും ചെയ്തിട്ടുണ്ട്.
തലശ്ശേരി~ മാനന്തവാടി രൂപതകളിലെ വിവിധ അദ്ധ്യാത്മിക മേഖലകളിലും ജോസച്ചന്‍ പ്രവര്‍ത്തിച്ചിട്ടുണ്ട് . മാനന്തവാടി സെന്റ് ജോസഫ്'സ് പ്രസ് മാനേജര്‍, മാനന്തവാടി രൂപതയുടെ ചാന്‍സലര്‍ , സണ്‍ഡേ സ്കൂള്‍ ഡയറക്ടര്‍ , ഫാമിലി അപ്പസ്തോലേറ്റിന്റെ ഡയറക്ടര്‍ , സെന്റ് ജോസഫ് ഹോസ്പിറ്റല്‍ ഡയറക്ടര്‍, തൂങ്കുഴി പിതാവിന്റെ സെക്രട്ടറി തുടങ്ങി വിവിധ തലങ്ങളില്‍ സേവനം ചെയ്തട്ടുണ്ട്. തുടര്‍ന്നാണ് അമേരിക്കയില്‍ എത്തുന്നത്.
തുടക്കത്തില്‍ ചിക്കാഗോയിലെ വിശ്വാസികളെ ഏകോപിപ്പിക്കുന്നതിനു നേതൃത്വം നല്‍കിയ ജോസച്ചന്‍, തുടര്‍ന്നു ന്യൂ ജേഴ്സിയിലെയും, ന്യൂ യോര്‍ക്കിലേയും വിവിധ സ്ഥലങ്ങളില്‍ താമസിച്ചു സീറോ മലബാര്‍ വിശ്വാസികളെ സംഘടിപ്പിക്കുകയും ഇടവകകള്‍ സ്ഥാപിക്കുകയും ചെയ്യ്തു . 2002 മാര്‍ച്ച് മാസം ന്യൂ യോര്‍ക്കിലെ ബ്രോക്സില്‍ സെന്റ് തോമസ് സീറോ മലബാര്‍ ഇടവക സ്ഥാപിക്കുകയും, 2020 ല്‍ റിട്ടയര്‍ ആകുന്നതുവരെ ബ്രോങ്ക്സ് ഇടവകയില്‍ തന്നെ ശുശ്രുഷ ചെയ്തു . ഇതിനിടയില്‍ ന്യൂ യോര്‍ക്കിലും കണക്റ്റിക്കെട്ടിലും വിവിധ ഇടങ്ങളില്‍ സീറോ മലബാര്‍ ഇടവകയും, മിഷനുകളും സ്ഥാപിക്കുകയും ചെയ്തിട്ടുണ്ട്
സഹോദരങ്ങള്‍ : ഡൊമിനിക്, ഫിലിമിന , പരേതനായ ജോണ്‍.
ഫാ. ജോസ് കണ്ടത്തിക്കുടിയുടെ നിര്യാണത്തില്‍ ചിക്കാഗോ സിറോ മലബാര്‍ രൂപത ബിഷപ്പ് മാര്‍ ജോയ് ആലപ്പാട്ട്, രൂപതയുടെ പ്രഥമ ബിഷപ്പ് മാര്‍ ജേക്കബ് അങ്ങാടിയത്ത് എന്നിവര്‍ അഗാധമായ ദുഃഖം രേഖപ്പെടുത്തി. ജോസച്ചന്‍റെ സേവനങ്ങളെ ചിക്കാഗോ രൂപത എന്നും സ്മരിക്കുമെന്നു മാര്‍ ജോയ് ആലപ്പാട്ട് പറഞ്ഞു. |
|
- dated 22 Dec 2024
|
|
|
|
Comments:
Keywords: America - Otta Nottathil - fr_jose_kandathikudy_dead America - Otta Nottathil - fr_jose_kandathikudy_dead,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
